منيو ستاربوكس

 أسهل وأنجح طريقة لعمل كعك العيد في البيت، بحيث يطلع مظبوط زي الجاهز 

المقادير

1 كيلو دقيق

½ كيلو سمن بلدي سايح سخن

2 ملعقة كبيرة سمسم محمص

1 ملعقة كبيرة ريحة كحك

1 ملعقة صغيرة بيكنج بودر

رشة ملح

2 ملعقة كبيرة سكر بودرة

حوالي 1 كوب لبن دافئ او ماء (حسب احتياج العجين)

للحشو (اختياري):

عجوة

أو ملبن

أو مكسرات بالعسل

الطريقة

في بولة كبيرة اخلطي الدقيق + السمسم + البيكنج بودر + السكر البودرة + الملح + ريحة الكحك.

سخني السمن كويس جدًا، وصبيه سخن على الدقيق مباشرة (دي أهم خطوة لنجاح الكحك).

قلبي بملعقة الأول وبعدين افركي الدقيق بالسمن بإيدك كويس.

سيبيه يهدأ حوالي 10 دقائق.

ضيفي اللبن الدافئ بالتدريج لحد ما العجين يبقى طري ويتلم، من غير عجن كتير.

شكلي الكحك كور صغيرة واحشيها عجوة أو ملبن لو حابة.

اعملي نقش الكحك بالمناقيش أو شوكة.

رصي في صاج وادخليه فرن مُسخن على 180° حوالي 20 دقيقة لحد ما لونه يبقى دهبي فاتح.

لما يبرد رشي عليه سكر بودرة.

أسرار نجاح الكحك

السمن لازم يكون سخن جدًا وقت ما يتحط على الدقيق.

ما تعجنيش العجين كتير عشان الكحك ما يقساش.

خليه يبرد تمام قبل ما ترشي السكر البودرة.

وبألف هنا