أم علي: حلى لذيذ وسهل التحضير
 |
| طريقة عمل حلا ام علي | تحضير حلا أم علي سهل وسريع |
هلا والله ياقمرات اليوم جايبة لكم طريقة عمل حلا ام علي وهي ترا وصفة سهلة وسريعة لاتخافون وترا مرا لذيذه حلا مافي احد ما يحبة من كثر طعمة الي يجنن وبعد إذا تحبون السمسمية لا تفوتون الوصفة كتبتها بالمدونة طريقة عمل السمسمية اللي حكيت لكم عنه قبل لأنه طعمه يجنن وسهل تحضيرها
مقادير حلا ام علي:
١٠ قطع بف باستري (ممكن أقل حسب حجم الصينية)
٥ كاسات حليب (يكون افضل لو كان حليب بودرة مع موية عشان يكون الحليب ثقيل في كل كاسة ماء نحط ٣ معالق حليب بودرة)
٢ فنجان سكر
مكسرات حسب الرغبة
للتغطية حلا ام علي:
علبتين قشطة
ظرفين دريم ويب
الطريقة حلا ام علي:
1. خبز البف باستري:
نخبز قطع البف باستري.
2. تحضير الحليب:
في قدر على النار نسخن الحليب ونخلط معه السكر لين يغلي.
3. تجهيز الصينية:
ناخذ صينية ونحط فيها قطع البف باستري إما بشكل كامل ومرتب أو نكسرها حسب الرغبة.
4. صب الحليب:
نصب فوقها الحليب ونتوصى فيه.
5. إضافة المكسرات:
نرش مكسرات الأنواع اللي نحب وممكن جوز الهند حسب الرغبة.
6. تحضير التغطية:
نخلط علبتين قشطة مع ظرفين دريم ويب ونغطي بها الوجه.
7. الخبز في الفرن:
ندخلها الفرن تتحمر من فوق.
8. التقديم:
نزينها بالمكسرات وتقدم ممكن حارة أو باردة. حنا ناكل نص حارة والنص الباقي ندخله الثلاجة تصير آيس كريم إذا بردت.
ملاحظة:
ممكن بعد نسويه في قوالب صغيرة وتقدم لكل شخص لوحده.
وبكذا صار عندكم أحلى حلا أم علي جاهزة عشان تقدموها ولا يكون عندكم اي حجه جربوها هالوصفة ولا تنسون إذا ما جربتوا طريقة عمل السمسمية لازم تجربونها بعد لأنها يستاهل وبألف هنا
وبالعافية ع قلبكم