فوائد الليمون صيدلية طبيعية في بيتك
السلام عليكم ورحمة الله وبركاته،
كيفكم ياحلوين اليوم رح نحكي عن مكون سحري موجود في كل بيت وهو الليمون هالليمونة الصفرا اللي بتعطي طعم على الأكل وبنفس الوقت فيها فوائد صحية ما تتخيلوها فخلونا نكتشف مع بعض ليش الليمون الها فوايد كل هالقد ولازم تكون متوفرة بالمطبخ وكمان كتبت مقاله بتحكي عن طريقة عمل عصيرموهيتو كلاسيك مرا بجنن فيكم تشوفوها
1. الليمون يقوي المناعة ويحمي من الأمراض
كلنا منعرف إنه الليمون غني بفيتامين C وهوه من أهم الفيتامينات اللي بتقوي جهاز المناعة وبخلي جسمك قادر وبوتجهه لو كان في فيروسات ومقاوم بالبرد بيمنع عنك الزكام والرشح لو كل يوم الصبح تشرب كاسة مي دافية مع عصير ليمون ونص معلقة عسل رح تشوف نفسك إنك أقل عرضة للإنفلونزا والتهاب الحلق.
2. بيساعد على الهضم ويخفف الانتفاخ
إذا عندك مشكلة في الهضم أو حاسس انك منتفخ بعد الأكل جرب تشرب مي دافية مع ليمون هالخلطة رح تنشط حركة الأمعاء وتخفف الحموضة وكمان الغازات وكمان بتساعد الكبد انو يفرز العصارة الهضمية بخليك يسهل هضم الأكل.
3. ينظف الجسم من السموم
اليمون متل المنظفات بنظف الجسم وبيحفز الكلى انو يطرد السموم الجسم عن طريق البول الله يعزكم وكمان بيساعد على تنظيف الدم وبنظم الحموضة الي بجسمك ولو بتعاني او بتحس جسمك تعبان او خمول جرب تعمل ديتوكس مي الليمون لمدة أسبوع ورح تشعر بفرق كبير في نشاط جسمك.
4. بيخفض الوزن ويسرع عملية الحرق
صحيح إنه الليمون ما إله سعرات حرارية عالية، لكنه بيسرع عملية الأيض وبيخلي جسمك يحرق الدهون بسرعة أكبر لو بتتبع رجيم ضيف الليمون لنظامك الغذائي رح يساعدك خسارة الوزن خاصة لو شربتو مع زنجبيل أو خيار.
5. بيحسن صحة البشرة ويجعلها نضرة
اليمون بيحتوي على مضادات الأكسدة الليمون بيساعدك في محاربة التجاعيد والبثور وكمان بيعمل على تفتيح البقع الداكنة ممكن تستخدم عصير الليمون (بعد تخفيفه بالمي) أو تشربو يومياً عشان تحصل على بشرة صافية بس انتبه إذا عندك بشرة حساسة الأفضل انك تستشير طبيب جلدية قبل استخدامه مباشرة على الوجه.
6. بيقوي القلب ويحمي من الأمراض المزمنة
الليمون غني ومايان بالبوتاسيوم اللي بيساعدك بتنظيم ضغط الدم وبقلل من خطر الإصابة بأمراض القلب بتعرف انو الدراسات أثبتت إنه الليمون ممكن يقلل نسبة الكوليسترول الضارة بالدم و بيحمي من الجلطات وتصلب الشرايين.
7. بيخفف التوتر ويرفع المزاج
رائحة الليمون نفسها فيها مهدئ للأعصاب لا تستغرب هي حقيقة فعلا إذا كنت حاسس بتوتر أو قلق جرب تشم ريحة قشر الليمون أو تضيف بعض قطرات من زيت الليمون للمي الحامية واستنشق البخار وراح تلاحظ إنه بيخفف التوتر وبيعطيك معنويات عالية.
8. بيقوي الشعر ويحفز نموه
كمان اذا كنتي تعاني او عندك تساقط في الشعرر أو القشرة، جربي تدلكي فروة راسك بعصير ليمون لمدة 10 دقائق قبل ما تغسل شعرك رح تساعد في تقوية بصيلات الشعر وتنظيف الفروة من الزيوت لو كانت دهنية.
الخلاصة
الليمون مو مجرد نكهة للأكل أو مشروب وعصير هوه كنز بمعنى الكلمة من تقوية المناعة لتحسين الهضم وتنظيف البشرة فوائده لا تعد ولا تحصى حاولو تخلوه من برنامجك اليومي لصحتك ولجسمك ولأكلك كمان او حتى تشربو مع المي الدافية والسلطات
والله يا جماعة الليمون صيدلية كاملة 🍋
---
لاتنسوا تشاركونا بالمدونة وتكتبو تعليقاتكم