مكونات الوصفه بتكفي لاربع اشخاص الى ست اشخاص:
1. طحين قمح: نص كيلو
- استخدمي الطحين العادي أو طحين الخبز مشان تعطي نتيجه ممتازه .
2. خميرة فورية: 5 غرامات
- دوببيها بـ 35 مل بالماي الدافية (يعني شي معلقتين كبار).
- انتبهي تكون المي دافية مو سخنة، مشان ما تخرب الخميرة.
3. ملح: معلقة صغيرة
4. مي دافية: 300 مل
5. زيت زيتون: 50 مل
- زيت الزيتون كل ما كان نوعه ممتاز، كل ما طلع الطعم أطيب.
6. زعتر: 25 غرام
- فيك تزيدي شوي سمسم إذا بتحبي نكهة السمسم.
---
طريقة تحضير العجينة:
1. حضري العجينة
- حطي الطحين والملح والخميرة المذوبة
2. إذا عندك خلاط عجين:
- حطيها على سرعة خفيفة .
- بعدين بلشي ضيفي المي الدافية شوي شوي من فتحة الغطا.
3. اعجني لمدة 8 دقايق لحتى تصير العجينة طرية وناعمة.
---
2. ريحي العجينة
1. غطي العجينة بقماشة نظيفة ورطبة.
2. خليها ترتاح شي (نص ساعة) بحرارة الغرفة.
- إذا الجو بارد،خليها جنب مكان فية حرارة خفيفة.
---
3. قسمي العجينة
1. إذا كانت العجينة بتلزق حطي عليها شوي طحين.
2. قسميها 4 دوائر تحاولي تخليها كلها متساوية معك
---
4. حضري الزعتر والزيت
1. بصحن صغير:
- اخلطي الزعتر مع زيت الزيتون منيح.
- إذا بتحبي تضيفي نكهة زيادة، ممكن رشة فلفل أسود أو شوية شطة.
---
5. افردي العجينة واطبخيها
1. خدي كورة عجين وافرديها بإيدك على شكل دائرة.
2. سخني مقلاية بدون ما تحطي عليها زيت بس مجرد تسخين للمقلايه.
3. حطي العجينة المفرودة بالمقلاية:
- ادهني الوجه بخلةه الزعتر والزيت باستخدام فرشاية أو معلقة.
4. خليها تستوي:
- 5 دقايق على نار عالية.
- 5 دقايق على نار هادية
---
6. بتقدميها
1. كرري نفس الخطوات مع باقي دوائر العجين.
2. بعد ما تستوي، اطوي الرغيف على بعضه وصار جاهز للأكل.
- بتقدميه سخن، ممكن معه زيتون أو شوية لبنة أو جبنة على جنب.
---
ملاحظة لو بدك العجينة طرية:
- إذا بدك عجينة أطرى، زيدي ملعقة صغيرة سكر مع الطحين والخميرة.
- إذا حابة تغيري بالنكهات، جربي بدل الزعتر زبدة بالثوم أو شوية صلصة بيتزا.
- إذا بدك القوام مقرمش أكتر، سخني المقلاية منيح قبل ما تحطي العجين.
---
النتيجة الأخيرة:
رح يطلع معك أرغفة طيبة بنكهة الزعتر وزيت الزيتون يلي بيترافقوا مع أي وجبة خفيفة أو فطور
---
بالهنى والعافية 😊