منيو ستاربوكس

ساندويشات تونة لجوع آخر الليل 

ساندوتشات تونة لجوع آخـر الليـل

وصفات حصرية في قناتنا على الواتس آب مجانآ

يا قمرات في ناس بتقول إن الأكل بآخر الليل غلط، لكن في ناس ما بتقدر تنام وجوعانة إذا كنتي من النوع الثاني تعالي معي نخترع ساندويشات تونة بتكون أسطورية ونافعة وخفيفة كمان عشان ما نثقل على المعدة هالوصفات رح تحول التونة العادية لتحفة فنية تخلص الجوع من غير ما تسببلك تقل بالمعدة

1. مقادير الساندويش الأساسي

المقادير الاساسية لسندويشة 

· علبة تونة مصفاية من الزيت

· ربع كاسة مايونيز

· ملعقة صغيرة خردل

· بصل مفروم ناعم

· مخلل مفروم

· ملح وفلفل أسود

· عصير ليمونة

· خس مقطع

· طماطم مقطعة حلقات

· خبز توست أو صمون حسب ما بترغبي

2. طريقة التحضير خطوة بخطوة

الخطوة الأولى: تحضير حشوة التونة

· بنفتح علبة التونة وبنصفيها من الزيت أو الماء كويس

· بنفرغ التونة في طبق عميق ونضيف عليها البصل المفروم

· بنضيف المخلل المفروم والخردل والمايونيز

· بنعصر الليمونة ونتبل بالملح والفلفل

· بنخلط كلشي مع بعض لحد ما ينخلط مع بعض

الخطوة الثانية: تحميص الخبز

· بنحط الخبز في توستر على صاج ساخن

· بنحمصه شوي عشان يقرمش من برة ويضل طري من جوا

· إذا بدنا نستخدم صمون بنفتحه من النص ونحمصه بلصاج

الخطوة الثالثة: تجهيز الخضار

· بنغسل الخس كويس ونقطعه شرايح رفيعة

· بنقطع الطماطم حلقات رفيعة

الخطوة الرابعة: تركيب الساندويش

· بندهن الخبز بشوي مايونيز من الجنبين

· بنحط ورقة خس أول شي

· بنضيف طبقة من حشوة التونة

· بنرص حلقات الطماطم فوق

· بنضيف شوي مخلل إضافي إذا حبينا

· بنغطي بالقطعة التانية من الخبز

سندويشات اخر اللليل 

3. وصفة الي بحب الجبنة عليها

ساندويش تونة بالجبنة:

· نفس الحشوة الأساسية

· بنضيف شريحة جبنة شيدر أو موزاريلا

· بنحط الساندويش بالفرن لدقايق

ساندويش تونة حار:

· بنضيف للخلطة  فلفل حار مفروم

· ملعقة صغيرة صوص تاباسكو

· شوي كاري عشان تطلع نكهة مميزة

ساندويش تونة بالبيض:

· بنسلق بيضتين ونقطعهما شرايح

· بنضيفهما فوق حشوة التونة

· بنرش عليهما شوي ملح وفلفل

4. بعض النصايح مهمة للتحضير

· التونة لازم تكون مصفاية كويس عشان ما تبلل الخبز

· الخبز المحمص أحلى من الخبز الطري

· ممكن نضيف شوي ذرة حلوة بتعطيها طعم حلو

· الليمونة ضرورية عشان تنعش نكهة التونة

· ممكن نستبدل المايونيز بزبادي عشان نسوي وصفة أخف

5. أفكار للتقديم

· بنقطع الساندويش مثلثات صغيرة

· بنزين الطبق بشوي بطاطا مقلية

· بنقدم مع مخللات وخضار طازجة

· بنعمل كوكتيل منعش مع الساندويش

ختامية:

وهيك يا عسل صار عندك ساندويشات تونة بتقضي على جوع آخر الليل من غير ما تسببلك بأي ثقل جربي الوصفات المختلفة واشتري التونة يلي نفسك فيها واكيد رح تتفاجئي من قديش هالوصفات سهلة ولذيذة و

 بالهنا والشفا